បវរកញ្ញាខ្មែរកម្ពស់ខ្ពស់ទាំង ៤ រូប រួមគ្នា ផ្សព្វផ្សាយពីសម្លៀកបំពាក់ស្បៃខ្មែរ

វីដេអូដែលបវរកញ្ញាខ្មែរ ៤ រូប បានរួមគ្នាជាធ្លុងមួយ ជួយប្រម៉ូតផ្សព្វផ្សាយពីស្បៃខ្មែរក្នុងនោះ អ្នកគាំទ្រមិនត្រឹមលាន់មាត់សរសើរពីសម្រស់ឡើយ តែក៏ជាបវរកញ្ញាដែលមានកម្ពស់ខ្ពស់ផងដែរ។ ក្នុងនោះមាន ចន សុទីម៉ា, ប៊ី សុធារី, ពេជ្រ វត្តីសារ៉ាវឌ្ឍី និង ហុក សិរីតុលា។

ឈុតបុរាណខ្មែរ «ស្បែ» ដែលត្រូវបានបវរកញ្ញាខ្មែរល្បីឈ្មោះ និងធ្លាប់បានតំណាងលើឆាកអន្តរជាតិ កំពុងត្រូវបានផុលផុសក្នុងផ្នត់គំនិតប្រជាជនកម្ពុជា កាន់តែខ្លាំងនាប៉ុន្មានឆ្នាំចុងក្រោយនេះ។

ងាកទៅមើលសម្រស់បវរកញ្ញាទាំង ៤ ចន សុទីម៉ា, ប៊ី សុធារី, ពេជ្រ វត្តីសារ៉ាវឌ្ឍី និង ហុក សិរីតុលា ពេលគ្រាឈុត «ស្បៃ» ខ្មែរបុរាណ ពិតជាស្រស់ស្អាតខ្លាំង និងទទួលបានការសរសើរខ្លាំងពីសំណាក់អ្នកគាំទ្រ។ អ្នកទាំង ៤ បានប្រើប្រាស់ស្បៃក្នុងទម្រង់ដូចគ្នាជាមួយសំពត់ សារបាប់ខ្មែរ មាន សាច់ ក្រាស់ ធ្ងន់ ត្បាញ ដោយដៃ ធ្វើសូត្រមានពណ៌ធម្មជាតិ លាយចេស មាស ឬចេសប្រាក់ លើកជាគោមរំលេចដោយក្បាច់រចនា និងមានតម្លៃខ្ពស់។

សម្រាប់ ចន សុទីម៉ា បានគ្រងឈុតស្បៃភ្លីពីខាងក្នុងពណ៌ផ្កាម៉ោង ១០ និងសំពត់សារបាប់ខ្មែរពណ៌បែកស្វាយ ហើយពីលើស្បៃភ្លីមានស្បៃប៉ាក់ ស្បៃឌិន ដែលនៅក្នុងភាសារាជស័ព្ទហៅថា ព្រះសុភ័គ។ ចន សុទីម៉ា Miss Universe Cambodia 2023 មានកម្ពស់ ១,៨១។

ចំណែក ប៊ី សុធារី Miss Universe Cambodia 2017 បានគ្រងឈុតស្បៃដូចគ្នាទៅនឹង ចន សុទីម៉ា ដែរ គ្រាន់តែកញ្ញាមានស្បៃភ្លីពណ៌ ទឹកក្រូច ហើយកញ្ញាមានកម្ពស់ ១,៧៥ ម៉ែត្រ។

រីឯ ពេជ្រ វត្តីសារ៉ាវឌ្ឍី លំដាប់រងទី២ Miss Universe Cambodia 2025ដែលមានកម្ពស់រហូតទៅដល់ ១,៧៧ ម៉ែត្រ គ្រងឈុតស្បៃពណ៌ទឹកសមុទ្រ ហើយសំពត់សារបាប់ក៏មានពណ៌ដូចគ្នាផងដែរ។

ចុងក្រោយគឺ ហុក សារីតុលា Miss Intercontinental Cambodia 2025 មានគ្រងឈុតពណ៌ស្បៃអង្កាញ់ពណ៌បៃតងចាស់ ហើយគ្របពីលើដោយស្បៃពានាតាតវែង។ តុលា មានកម្ពស់ ១,៧៣ ម៉ែត្រ សម្បុរស្បែកស្រអែមស្រស់ឆ្លុះជាមួយឈុតប្រពៃណីខ្មែរ៕

អ្នកនាង ទ្រី រ៉ាវី | Ms. Try Ravy

ប្រឡូកក្នុងវិស័យសារព័ត៌មានជាច្រើន រ៉ាវី មានបទពិសោធន៍ជាអ្នករាយការណ៍ អ្នកផលិតមាតិកា និងការីនិពន្ធនៅស្ថាប័នក្នុងស្រុកជាច្រើន ជាពិសេសផ្នែកអត្ថបទសុខភាព និងជីវិតកម្សាន្ត

ក្រសួងស្ថាប័ន
រដ្ឋបាលថ្នាក់ក្រោមជាតិ
វិស័យឯកជន