កុយ អេនណា កើន Follower នៅលើ Instagram រហូតដល់ ១ លាននាក់ហើយ

បើទោះជាស្ងប់ស្ងាត់ការវិលត្រឡប់មកកាន់វេទិកាបវរកញ្ញា តែ កុយ អេនណា មានសកម្មភាពផ្សេងៗមិនដាច់ឡើយ មិនថាការងារសិល្បៈ ការងារសប្បុរសធម៌ និងការងារប្រម៉ូតផ្សេងៗ។ ដូចនេះហើយបានជាកេរ្តិ៍ឈ្មោះតារាបង្ហាញម៉ូដរូបនេះ នៅតែបោះពួយទៅមុខយ៉ាងលឿន ទាំងលើហ្វេសប៊ុក និង Instagram។

ជាទូទៅរាល់ការងារ ស្នាដៃ និងសកម្មភាពគ្រប់យ៉ាង អេនណា តែង upload លើបណ្ដាញសង្គមគ្រប់បែបយ៉ាង។ នោះជាហេតុធ្វើឲ្យ IG របស់នាងទទួលបាន Follower ដល់ទៅ ១ លាននាក់ហើយ។ នៅលើបណ្ដាញសង្គម Instagram ក៏ជាជំហានបន្ទាប់ ដែលនាំឲ្យកេរ្តិ៍ឈ្មោះ និងសកម្មភាពដទៃរបស់កញ្ញាមានអ្នកទស្សនានៅក្រៅប្រទេសកាន់តែច្រើន។

ងាកទៅមើល FB page របស់បវរកញ្ញាសម្បុរសណ្ដែកបាយ កុយ អេនណា វិញក៏មាន Follower ១ លាននាក់ដែរ។ ក្នុងវ័យ ២៨ ឆ្នាំ អេនណា ទទួលបានជោគជ័យក្រាស់ក្រែលក្នុងអាជីព និងការងារសប្បុរសធម៌ ធ្វើឲ្យនាងមានអ្នកគាំទ្រទាំងប្រុសស្រី ក្មេងចាស់នៅទូទាំងប្រទេស។

គួរបញ្ជាក់ផងដែរថា កុយ អេនណា តែងត្រូវបានអ្នកគាំទ្រទទូចសុំឲ្យនាងចូលត្រឡប់មកកម្មវិធីប្រកួតប្រជែងសម្រស់ ព្រោះថាទាំងរូបសម្រស់ ចំណេះដឹង កម្ពស់ ការងារ កញ្ញាមានទាំងព្រមអស់ហើយ៕

រូបភាព៖ Koy Anna

អ្នកនាង ទ្រី រ៉ាវី | Ms. Try Ravy

ប្រឡូកក្នុងវិស័យសារព័ត៌មានជាច្រើន រ៉ាវី មានបទពិសោធន៍ជាអ្នករាយការណ៍ អ្នកផលិតមាតិកា និងការីនិពន្ធនៅស្ថាប័នក្នុងស្រុកជាច្រើន ជាពិសេសផ្នែកអត្ថបទសុខភាព និងជីវិតកម្សាន្ត

ក្រសួងស្ថាប័ន
រដ្ឋបាលថ្នាក់ក្រោមជាតិ
វិស័យឯកជន