មជ្ឍមណ្ឌលកីឡា The Top Sport Center 271 ដ៏ធំជាងគេនៅកណ្ដាលរាជធានីភ្នំពេញដែលមានទីតាំងក្នុងគម្រោង លែនម៉ាក 271 របស់ ជីប ម៉ុង លែន ត្រូវបានដាក់សម្ពោធជាផ្លូវការហើយនៅព្រឹកថ្ងៃសៅរ៍ ទី២០ ខែមិថុនា ឆ្នាំ២០៦ ក្រោមវត្តមានដ៏ខ្ពង់ខ្ពស់លោកជំទាវ លោកអ្នកឧកញ៉ា ភាព ហៀក លោកអ្នកឧកញ៉ា លាង ឃុន និងលោកជំទាវ អ្នកឧកញ៉ា លាង ហួង ហេនរី និងលោកជំទាវ លោកជំទាវ លី សុខចេង និងស្វាមី និងលោក អុឹង វីរៈ លោក អុឹង វីរៈ អគ្គនាយកបន្តវេននៃក្រុមហ៊ុនខ្មែរ ប៊ែវើរីជី ព្រមទាំងភ្ញៀវកិត្តិយសជាច្រើនទៀត។

ក្នុងឱកាសនៃពិធីបើកសម្ពោធដ៏អធិកអធមនេះ អ្នកឧកញ៉ា លាង ហួង ហេនរី អគ្គនាយកពហុពាណិជ្ជកម្ម និងជាសមាជិកក្រុមប្រឹក្សាអភិបាលក្រុមហ៊ុន ជីប ម៉ុង បានបង្ហាញមោទនភាព និងសេចក្ដីសោមនស្សរីករាយចំពោះសមិទ្ធិផលថ្មីមួយទៀតរបស់ក្រុមហ៊ុន ជីប ម៉ុង គឺ មជ្ឈមណ្ឌលកីឡា The Top Sport Center 271 ដែលត្រូវបានបង្កើតឡើងក្នុងគោលបំណងលើកកម្ពស់សុខមាលភាព និងគុណភាពជីវិត របស់សហគមន៍។

អ្នកឧកញ៉ាសង្កត់ធ្ងន់ថា ថ្ងៃនេះ មិនមែនគ្រាន់តែជាថ្ងៃបើកដំណើរការមជ្ឈមណ្ឌលកីឡាមួយប៉ុណ្ណោះទេ ប៉ុន្តែជាថ្ងៃដែលកំពុងបង្ហាញឱ្យឃើញយ៉ាងច្បាស់អំពីចក្ខុវិស័យរបស់ក្រុមហ៊ុន ជីប ម៉ុង។ ក្រុមហ៊ុនជឿជាក់ថា ការអភិវឌ្ឍសហគមន៍ប្រកបដោយគុណភាព និងនិរន្តរភាព មិនអាចវាស់ស្ទង់បានត្រឹមត តាមរយៈអគារទំនើបៗ ហេដ្ឋារចនាសម្ព័ន្ធដ៏រឹងមាំ ឬលំនៅឋានប្រណីតប៉ុណ្ណោះឡើយ។

ផ្ទុយទៅវិញ វា ត្រូវតែរួមបញ្ចូលនូវការបង្កើតបរិយាកាសរស់នៅដែលមានសុវត្ថិភាព ផាសុកភាព និងសុខដុមរមនា ដែលអាចលើកកម្ពស់សុខុមាលភាព សុខភាព និងសុភមង្គលរបស់ប្រជាជនបានយ៉ាងពិតប្រាកដ។ គួរបញ្ជាក់ផងដែរ The Top Spirt Center 271 មានប្រភេទកីឡាចម្រុះរហូតដល់ទៅ 6 ផ្សេងគ្នាគឺ កីឡាលេងបាល់ទះ បាល់ទាត់ បាល់បោះ វាយសី វាយកូនហ្គោលសិប្បនិម្មិត ​និងលេង Pickleball ថែមទៀតផង។

ដើម្បីអបអរសាទរ ការបើកសម្ពោធជាផ្លូវការមជ្ឈមណ្ឌលកីឡា The Top Sport Center 271 កំពុងមានប្រូម៉ូសិនពិសេស បញ្ចុះតម្លៃរហូតដល់ ៣០% ចាប់ពីថ្ងៃនេះ រហូតដល់ ថ្ងៃទី៣០ ខែមិថុនា នេះ ។ លោកអ្នកក៏អាចធ្វើការកក់តាមរយៈ Telegram និង Mobile App ឬទាក់ទងមកកាន់ទូរស័ព្ទលេខ៖ 011 993 888

ជាមួយគ្នានេះ អ្នកឧកញ៉ា លាង ហួង ហេនរី បានបង្ហើបឱ្យដឹងដែរថា នៅថ្ងៃសៅរ៍ ទី២៧ ខែមិថុនា ឆ្នាំ២០២៦ ខាងមុខ មជ្ឍមណ្ឌលកីឡា the Top Sport Center 271 នឹងរៀបចំព្រឹត្តិការណ៍ប្រកួតកីឡា PickleBall ដ៏ពិសេសមួយ ដោយថវិកាទទួលបានពីការចុះឈ្មោះចូលរួម នឹងបង្វិលជាមូលនិធិជួយដល់មន្ទីរពេទ្យ និងជួយដល់ជនទីទ័ល ជាដើម៕