ម្ដងទៀតហើយ! Ariana Madix តារាស្រីអាមេរិក គ្រងរ៉ូបប្រេនកូនខ្មែរ Almée Couture

កាលពីពេលថ្មីៗនេះ Ariana Madix តារាសម្ដែង និងជាពិធីករអាមេរិក បានជ្រើសរើសប្រេនកូនខ្មែរ Almée Couture ដើម្បីចូលរួមក្នុងកម្មវិធីមួយ ហើយរូបភាពដែលអ្នកនាងបង្ហាញចេញមកក្នុង Solar Drops by ALmée Coutureពិតជាស្រស់ស្អាត សមនឹងកម្ពស់ដ៏ខ្ពស់ និងរាងស្រឡូន។

Ariana Madix ហាក់ដូចជាជាប់ស្នេហ៍ឈុតកូនខ្មែរ ឌីហ្សាញនេះខ្លាំងណាស់ ដោយបានចូលទៅ cmt នៅក្នុងវីដេអូដែល Almée Couture បង្ហោះលើ Instagram ដោយបាននិយាយថា “អ្នករចនាដ៏អស្ចារ្យបំផុតមិនធ្លាប់មាន“។ សម្រាប់រ៉ូបលឿងដែល Ariana Madix បានគ្រងមានឈ្មោះថា Solar Drops by ALmée Couture ដែលជារ៉ូប couture ប៉ាក់ដោយដៃ ត្រូវបានតុបតែងដោយគ្រីស្តាល់ពណ៌មាស ការតុបតែងអង្កាំភ្លឺចែងចាំង និងព័ត៌មានលម្អិតបែបគែម។

នាដើមឆ្នាំ ២០២៦ នេះ Arina Madix ដែលពេលនាងគ្រងឈុត Almée Couture ជាស្នាដៃកូនខ្មែរ នាគ្រាបង្ហាញខ្លួនចូលរួមសម្ពោធរឿងហូលីវូដ Wuthering Heights របស់តារាស្រី Margot Robbie និងតារាប្រុស Jacob Elordi រហូតទទួលបានការកោតសរសើរពីសារព័ត៌មានEntertainmentnow និង The Sun នៃចក្រភពអង់គ្លេស៕