មជ្ឈមណ្ឌលបុប្ផាណា បង្រៀនជំនាញផលិតភាពយន្តឯកសារ និងពហុប្រព័ន្ធផ្សព្វផ្សាយឥតគិតថ្លៃ

ដំណឹងល្អ មជ្ឈមណ្ឌលសោតទស្សន៍ បុប្ផាណា (ARPAA) បានជម្រាបជូនលើផេកផ្លូវការស្ដីអំពីការបើកវគ្គបណ្ដុះបណ្ដាលលើផ្នែកផលិតភាពយន្តឯកសារ និងពហុប្រព័ន្ធផ្សព្វផ្សាយ សម្រាប់ឆ្នាំសិក្សា ២០២៦-២០២៧ ដោយឥតគិតថ្លៃ។

ក្រោមការឧបត្ថម្ភពីទីភ្នាក់ងារបារាំងសម្រាប់អភិរឌ្ឍន៍ (AFD) មូលនិធិហេនរីលូស៍ (The Henry Luce Foundation) និងមូលនិធិរៃ (Rei Foundation Limited) មជ្ឈមណ្ឌលធនធានសោតទស្សន៍បុប្ផា ណា(ARPAA) អនុវត្តគម្រោងមួយដែលមានឈ្មោះថា «លើកកម្ពស់ការថែរក្សាការចងចាំផ្នែកសោតទស្សន៍និងការ ផ្តល់ភាពអង់អាចដល់យុវជន» សម្រាប់រយៈពេល៣ឆ្នាំ។ ក្នុងគម្រោងមួយនេះ មជ្ឈមណ្ឌលសោតទស្សន៍ បុប្ផាណា បានសម្រេចផ្ដល់ជូនអាហារូបករណ៍ជូនដល់យុវជនចំនួន ១២ នាក់ ដើម្បីចូលរួម វគ្គបណ្ដុះបណ្ដាលផ្នែកផលិតភាពយន្តឯកសារ និងពហុប្រព័ន្ធផ្សព្វផ្សាយ ក្នុងឆ្នាំទី១ ពោលសម្រាប់ឆ្នាំសិក្សា ២០២៦-២០២៧។ វគ្គបណ្ដុះបណ្ដាលធ្វើឡើងនៅមជ្ឈមណ្ឌល បុប្ផាណា ពីថ្ងៃច័ន្ទ ដល់សុក្រ (សិក្សា៨ម៉ោងក្នុង១ថ្ងៃ)។

លក្ខខណ្ឌនៃការជ្រើសរើសមានដូចខាងក្រោម៖

– ប្រជាជនកម្ពុជា រួមមានជនជាតិខ្មែរ ជនជាតិភាគតិច និងជនជាតិដើមភាគតិចដែលកំពុងរស់នៅប្រទេសកម្ពុជា

– ជាអ្នកដែលមានអាយុចាប់ពី១៨ ដល់៣០ឆ្នាំ

– ជាអ្នកដែលមិនមានពិរុទ្ធភាព

– ជាអ្នកដែលស្រឡាញ់និងចង់ចងក្រងឯកសារស្តីពីប្រទេសកម្ពុជា

– ជាអ្នកដែលមានពេលវេលាគ្រប់គ្រាន់ក្នុងការចូលរួមគ្រប់វគ្គបណ្តុះបណ្តាលទាំងអស់ (ស្ត្រីនិងជនមានពិការភាព ត្រូវបានលើកទឹកចិត្ត)

សម្រាប់អត្ថប្រយោជន៍ដែលសិក្ខាកាមនឹងទទួលបានរួមមាន៖

– ការសិក្សានិងការប្រើប្រាស់សម្ភារៈថត ដោយឥតបង់ថ្លៃ

– ការធានារ៉ាប់រងផ្នែកសុខភាព ក្នុងកំលុងពេលសិក្សា

– ផ្តល់កន្លែងស្នាក់នៅ សម្រាប់សិក្ខាកាមដែលមកពីតាមបណ្តាខេត្តនានា

– វិញ្ញាបនបត្របញ្ជាក់ការសិក្សា

– ឱកាសបង្ហាញស្នាដៃរបស់ខ្លួននៅក្នុងមហោស្រពភាពយន្តនៅក្នុងនិងក្រៅប្រទេស

សម្រាប់ការដាក់ពាក្យ សូមបំពេញទម្រង់ពាក្យស្នើសុំចូលរៀន តាមរយៈតំណភ្ជាប់នេះ: https://forms.gle/USfTyjaG6xNoFDD59 ឬមកទទួលពាក្យដោយផ្ទាល់នៅមជ្ឈមណ្ឌលធនធានសោតទស្សន៍បុប្ផាណា ឬស្គែនQR ក្នុងខិត្តបណ្ណខាងក្រោម។