មង្គលការប្អូនប្រុស ទេព បូព្រឹក្ស ចូលរួមដោយតារាប្រុសស្រីល្បីៗ មានទាំងសែរាជវង្ស

ទិដ្ឋភាពមង្គលការប្អូនប្រុសបង្កើតរបស់ អ្នកនាង ទេព បូព្រឹក្ស កាលពីម្សិលមិញ ប្រៀបបីដូចវេទិកាបង្ហាញសម្រស់ ដ្បិតមានការចូលរួមពីសំណាក់តារាប្រុសស្រីល្បីៗ នៅក្នុងស្រុក អមដោយវត្តមានដ៏ខ្ពង់ខ្ពស់របស់ព្រះនាង នរោត្តម ជេនណា និងម្ចាស់បងរបស់ទ្រង់ផងដែរ។

មិនធម្មតា មង្គលការរបស់ប្អូនប្រុសពៅ តារាស្រី ទេព បូព្រឹក្ស កំពុងច្បាមបានការចាប់អារម្មណ៍មិនតិចនោះទេពីអ្នកប្រើប្រាស់បណ្ដាញសង្គមហ្វេសបុក កាលពីចុងសប្ដាហ៍កន្លងទៅ ដ្បិតភ្ញៀវដែលបង្ហាញវត្តមានចូលរួមសុទ្ធសឹងតែជាតារាប្រុសស្រីល្បីៗ និងមានឈ្មោះបោះសំឡេងក្នុងសង្គមសិល្បៈ អ្នកជំនួញ អ្នកផលិតមាតិកាក្នុងស្រុក ព្រមជាមួយវត្តមានយាងចូលរួមពីសំណាក់ព្រះនាង នរោត្តម ជេនណា និងម្ចាស់បងរបស់ទ្រង់ព្រះនាង នរោត្តម អេម៉ា ផងដែរ។ ជាមួយគ្នា ក្នុងថ្ងៃពិសេសរបស់លោក ស៊ីម ទេពនិមិត្ត ប្អូនប្រុសតែមួយរបស់ភរិយាតារារ៉េប ជី ដេវីត ត្រូវបានមហាជនចាប់អារម្មណ៍ផងដែរថា អ្នកនាង ឱក សុគន្ធកញ្ញា មិនត្រឹមបង្ហាញវត្តមានចូលរួមជាមួយស្វាមី និងកូនប្រុសបណ្ដូលចិត្តទាំង២ ថែមទាំងជាអ្នកដឹកដៃកូនក្រមុំទៀតផង។ មិនតែប៉ុណ្ណោះ សូម្បីអ្នកនាង ពេជ្រ សូលីកា ក៏បានផ្ដល់កិត្តិយសក្នុងការឡើងបកស្រាយចម្រៀងក្នុងពិធីមង្គលការនេះដែរ។

ខាងក្រោមនេះជាកម្រងរូបភាពប្លែកៗ និងស្អាតៗនៅក្នុងពិធីមង្គលការរបស់ប្អូនប្រុសអ្នកនាង ទេព បូព្រឹក្ស ៖