ឈុតព្រះនាង ជេនណា ក្នុងការសម្ដែងនៅកម្មវិធី Hainan Spring Festival Gala ក្នុងខេត្តហៃណាន

ការងាររបស់ព្រះនាងនរោត្តម ជេនណា នៅប្រទេសចិនមមាញឹកខ្លាំងណាស់ សឹងតែថាមួយឆ្នាំៗសែរាជវង្សខ្មែរអង្គនេះពាក់កណ្ដាលនៅខ្មែរ ហើយកន្លះឆ្នាំទៀតទ្រង់ទៅចូលរួមថតកម្មវិធីផ្សេងៗនៅទីនោះ។ ដូចថ្មីៗនេះ ព្រះនាងខ្មែរមានព្រះជន្ម ១៣ ព្រះវង្សា បានចូលរួមការសម្ដែងមួយនៅខេត្តហៃណាន។

ព្រះនាង នរោត្តម ជេនណា បានបង្ហាញវត្តមានក្នុងកម្មវិធី Hainan Spring Festival Gala ក្នុងខេត្តហៃណាន ជាមួយក្រុមចម្រៀងកុមារ ដែលកម្មវិធីបង្ហាញពីនិមិត្តរូបនៃមិត្តភាពដ៏ជ្រាលជ្រៅរវាងប្រជាជនចិន និងកម្ពុជា ក្នុងការចែករំលែកទន្លេជាប្រភពទឹកតែមួយ និងបេះដូងតែមួយ។

ទ្រង់បានបកស្រាយបទ «Drinking from the Same River » ជាភាសាចិន បានយ៉ាងល្អបូករួមជាមួយសម្លៀកបំពាក់យ៉ាងស្រស់ស្អាតបែបនារីខ្មែរ ដែលជាអ្នកតំណាងខ្មែរលើឆាកអន្តរជាតិ និងរ៉ូបពណ៌ផ្កាឈូក មានឌិនអង្កាំពណ៌មាន ក្រហម និងចម្រុះពណ៌ដទៃទៀត។

សម្រាប់ឈុតទី២នេះ រឹតតែស្រស់ស្អាត និងធ្វើឲ្យព្រះនាងខ្មែរ មើលទៅកាន់តែស្រស់ស្អាត ជាមួយឥរិយាបថថ្លៃថ្នូរ ទន់ភ្លន់។ ២ ឈុតខាងក្រោមរបស់ព្រះនាង នរោត្តម ជេនណា មើលទៅទាំងស្រស់ស្រទន់ និងអស្ចារ្យសមនឹងរូបរាងទ្រង់តែម្ដង៖