New Cut ពី វណ្ណដា និង យប់ដំបូង របស់ ទេព ពិសិដ្ឋ ទម្លាក់ព្រមគ្នាក្នុងថ្ងៃតែមួយ

ទម្លាក់ចម្រៀងទោលព្រមគ្នាក្នុងថ្ងៃតែមួយ ទេព ពិសិដ្ឋ និង វណ្ណដា ទទួលបានការគាំទ្រយ៉ាងច្រើនក្រាស់ក្រែលពីហ្វេនរបស់ពួកគេ អមដោយពាក្យសរសើរ ដ្បិតថាបទទាំង២ សុទ្ធតែមានលក្ខណៈពិសេសទាក់ចិត្តអ្នកស្ដាប់។

«New Cut» ជា MV ថ្មីរបស់ វណ្ណដា ដែលលោកបានទម្លាក់កាលពីម្សិលមិញ ពោលគឺថ្ងៃទី ២៦ កុម្ភៈ ២០២៦។ បទចម្រៀងដែលទើបទម្លាក់ក្ដៅៗ ហុយៗ មិនទាន់បាន ២៤ ម៉ោងនេះ មានអ្នកចុចចូលស្ដាប់រាប់លាននាក់ និងមានអ្នកចុច Like និង ស៊ែរ យ៉ាងច្រើនផងដែរ។ ចម្រៀង ថ្មី របស់ វណ្ណដា មួយនេះមាន flow បែបថ្មី ផ្សំជាមួយការប្រើប្រាស់ឃ្លា ពាក្យពេចន៍ប្រទាក់ពីមួយវគ្គទៅ ១វគ្គ ធ្វើឱ្យអ្នកស្ដាប់ទទួលបានអារម្មណ៍ថ្មីមួយបែបទៀត។

រីឯ «យប់ដំបូង» របស់ ទេព ពិសិដ្ឋ ក៏មិនធម្មតា ដ្បិតបានធ្វើឱ្យអ្នកស្ដាប់យល់ច្បាស់ពីអារម្មណ៍ក្មេងប្រុសឯកោដែលត្រូវចាកចេញពីគ្រួសារមកកសាងជីវិតថ្មីលើដីក្រុងតែម្នាក់ឯង។ លើសពីការរៀបរាប់ក្នុងចម្រៀង ក៏មានការលេងពាក្យពេចន៍ក្លែមបទពិសោធន៍ឈឺចាប់ អមដោយរឿងរ៉ាវចាក់ស្រេះដែលមិនអាចមានអ្នកយល់ លុះណាតែពួកគេបានជួបប្រទះដោយផ្ទាល់ខ្លួនឯង។ ចម្រៀងរបស់អ្នកទាំងពីរ ទទួលបានការគាំទ្រមិនចាញ់គ្នា ដ្បិតថាចេញក្នុងថ្ងៃជាមួយគ្នា ហើយមុនក្រោយគ្នាមួយម៉ោងប៉ុណ្ណោះ តែអាចឆក់បេះដូងអ្នកគាំទ្រឱ្យស្ដាប់ដល់ចប់ និងទទួលបានការកោតសរសើរពីហ្វេនពេញៗមាត់៕

រូបភាព ៖ វណ្ណដា&ទេព ពិសិដ្ឋ

កញ្ញា កែវ សុខអាត | Ms. KEO SOK ART

ជីវប្រវត្តិ: មានបទពិសោធន៍ជាអ្នកបង្កើតមាតិការសង្គម និងជំនួញ ក្នុងស្រុក-ក្រៅស្រុក និងជាអ្នកសរសេររឿងប្រលោមលោក។ បច្ចុប្បន្នជាអ្នកបង្កើតមាតិការកំសាន្ត ប្លែកៗ នៃ AMS Infotainment។