ស៊ីន យូប៊ីន និង ខាត់ វ៉ៃហាំង ទៅអូស្ត្រាលី ឡើងផ្ទះថ្មីប្រធានសមាគមសិល្បករខ្មែរ

ស៊ីន យូប៊ីន និង ខាត់ វ៉ៃហាំង បើទោះជាអ្នកទាំង ២ មិនសូវបានបង្ហាញពីភាពផ្អែមល្ហែមនៃភាពជាគូស្នេហ៍។ តែមិនដែលនៅឆ្ងាយពីគ្នាឡើយ ហើយថ្មីៗនេះតារាសម្ដែងប្រុសស្រីល្បីឈ្មោះទាំងគូ បានធ្វើដំណើរទៅកាន់ប្រទេសអូស្ត្រាលី ក្នុងកម្មវិធីឡើងគេហដ្ឋានថ្មីរបស់លោកជំទាវអ្នកឧកញ៉ា ម៉ៅ ចំណាន ប្រធានសមាគមសិល្បករខ្មែរ និងគ្រួសារនៅទីក្រុងម៉ែលប៊ន ប្រទេសអូស្ត្រាលី។

ស៊ីន យូប៊ីន និង ខាត់ វ៉ៃហាំង ជាតារាស្រីដែលស្និទ្ធនឹងប្រធានសមាគមសិល្បករខ្មែរស្រាប់ ដោយកម្មវិធីលក្ខណៈគ្រួសាររបស់លោកជំទាវអ្នកឧកញ៉ា ម៉ៅ ចំណាន ក៏អ្នកទាំង ២ តែងបានចូលរួមជាពិសេសផងដែរ។ រយៈពេលជិត១ សប្ដាហ៍នៅលើទឹកដីអូស្ត្រាលី យូប៊ីន និង វ៉ៃហាំង មិនបានបង្ហាញរូបភាពរបស់ពួកគេជាផ្លូវការ ឡើយដោយបញ្ចេញត្រូវរូបស្រមោលតែប៉ុណ្ណោះ។

តារាប្រុសស្រីគូនេះមិនត្រឹមជាមានសមត្ថភាពក្នុងវិស័យសិល្បៈប៉ុណ្ណោះទេ ចំណេះដឹងទូទៅ និងផ្នែកភាសាក៏មានទាំងព្រម ដូចនេះហើយទើបតែងតែទទួលបានឱកាសពីប្រធានសមាគមសិល្បករខ្មែរ មិនថាការងារទូទៅ ឬការងារផ្ទាល់ខ្លួន។

បន្ទាប់ពីបញ្ចប់ការឡើងគេហដ្ឋានថ្មីរួចហើយ យូប៊ីន និង វ៉ៃហាំង បានដើរកម្សាន្តនៅលើទឹកដីអូស្ត្រាលី។ បើទោះជាដើរកម្សាន្តជាមួយគ្នា តែគូស្នេហ៍ទាំង ២ មិនបានបង្ហាញរូបភាពជាមួយគ្នាឡើយ។ សម្រាប់ការងារថ្មីវិញ ទាំងគូមិនទាន់មានដំណឹងថា សម្ដែងរឿងថ្មីណាមួយឡើយ ដោយភាគច្រើន ២ នាក់នេះ ចូលរួមក្នុងកម្មវិធីផ្សេងៗ និងកិច្ចការនៅសមាគម៕

រូបភាព៖ Khat Vaihanga និង Instagram Shin Yubin

អ្នកនាង ទ្រី រ៉ាវី | Ms. Try Ravy

ប្រឡូកក្នុងវិស័យសារព័ត៌មានជាច្រើន រ៉ាវី មានបទពិសោធន៍ជាអ្នករាយការណ៍ អ្នកផលិតមាតិកា និងការីនិពន្ធនៅស្ថាប័នក្នុងស្រុកជាច្រើន ជាពិសេសផ្នែកអត្ថបទសុខភាព និងជីវិតកម្សាន្ត