តារាចម្រៀងវ័យក្មេង រ៉ន ណាវី ដែលជាបេក្ខភាព The Voice Kids Cambodia បានលាចាកទាំងវ័យក្មេងដោយសារគ្រោះថ្នាក់ចរាចរណ៍។ តារាចម្រៀងសំឡេងផ្អែមដែលមកពីទឹកដីកំពង់ស្ពឺ និងជាបេក្ខភាព Top កំពូលក្នុងកម្មវិធី The Voice Kids Cambodia រដូវកាលទី ៣ រ៉ន ណាវី បានលាចាកលោក គ្មានថ្ងៃត្រឡប់ ត្រឹមវ័យ ១៥ ឆ្នាំ។
បណ្ដាញផ្សព្វផ្សាយយើងខ្ញុំផ្សេងទៀត
- ព័ត៌មានទូទៅ
- សេដ្ឋកិច្ច
- អប់រំ
- កីឡា
- កម្សាន្ត
- អរិយធម៌ខ្មែរ
- Politico 360
- One-Minute
- សច្ចធម៌ប្រវត្តិសាស្ត្រ
- វឌ្ឍនភាពកម្ពុជា
- អំពីក្រុមហ៊ុន
អាណិតណាស់! បេក្ខភាព The Voice Kids Cambodia រ៉ន ណាវី លាចាកលោក ដោយសារគ្រោះថ្នាក់ចរាចរណ៍
Advertisement
រ៉ន ណាវី ដែលជាប្អូនស្រីរបស់ រ៉ន ចាន់ឌីន បានជួបគ្រោះថ្នាក់ចរាចរណ៍កាលពីរាត្រីថ្ងៃ ១៦ ខែមីនា ឆ្នាំ ២០២៦ និងបានបញ្ជូនទៅសង្គ្រោះបន្ទាន់នាមន្ទីរពេទ្យ១ ថ្ងៃ និងបាត់បង់ជីវិតនាយប់ថ្ងៃទី ១៧ ឈានចូលទី១៨ ខែមីនា ឆ្នាំ ២០២៦ នេះ ដោយសារប៉ះពាល់ដល់ខួរក្បាលធ្ងន់ធ្ងរ។
ខណៈដែលប្អូនស្រីបានលាចាកលោកទាំងវ័យក្មេងកញ្ញា រ៉ន ចាន់ឌីន បានបង្ហោះសារទាំងក្ដុកក្ដួល បង្ហាញពីការអាឡោះអាល័យ និងក្ដីស្រលាញ់ដែលមានចំពោះគ្នារវាងបងប្អូនស្រីទាំង ២ ជាពន់ពេក ដ្បិតអីអ្នកទាំង ២ លែងបានជួបមុខគ្នាជារៀងរហូតហើយនោះ។ អ្នកសិល្បៈជាច្រើនបានចូលរួមរំលែកទុក្ខដល់គ្រួសារ រ៉ន ចាន់ឌីន ដោយសារការបាត់បង់ដ៏ធំមួយនេះ។
គួរបញ្ជាក់ថាគ្រួសារតារាចម្រៀង រ៉ន ចាន់ឌីន ថ្មីៗនេះក៏ទើបជួបបញ្ហាធ្ងន់ធ្ងរ១ ដែរ ហើយទើបតែដោះស្រាយរួច គឺប្អូនប្រុសត្រូវរងការធ្វើបាបនៅសាលា។ ក្រោយកើតហេតុរឿងមិនល្អផ្ទួនៗគ្នា មហាជនមានតែជូនពរឲ្យតារាចម្រៀងសំនៀងផ្អែមច្រៀងបានទាំងបទសម័យ និងបុរាណរូបនេះ រឹងមាំឡើង បន្តដំណើរទៅមុខទៀត៕
កញ្ញា រ៉ន ចាន់ឌីន
រូបភាព៖ Rorn Chandin
អ្នកនាង ទ្រី រ៉ាវី | Ms. Try Ravy
ប្រឡូកក្នុងវិស័យសារព័ត៌មានជាច្រើន រ៉ាវី មានបទពិសោធន៍ជាអ្នករាយការណ៍ អ្នកផលិតមាតិកា និងការីនិពន្ធនៅស្ថាប័នក្នុងស្រុកជាច្រើន ជាពិសេសផ្នែកអត្ថបទសុខភាព និងជីវិតកម្សាន្ត
ឆ្នាំ២០២៥ © រក្សាសិទ្ធិគ្រប់យ៉ាងដោយ៖ អគ្គនាយកដ្ឋានវិទ្យុ និងទូរទស្សន៍អប្សរា