ថ្មីៗនេះ YUNI ក្លឹបអ្នកគាំទ្រផ្លូវការរបស់តារាប្រុស ZIYU បានរួមគ្នាប្រើក្ដីស្រឡាញ់របស់ពួកគេទៅធ្វើសកម្មភាពសប្បុរសធម៌មួយក្នុងឱកាសថ្ងៃកំណើតរបស់តារាប្រុសរូបនេះ។

ពួកគេបានរួមគ្នាបរិច្ចាគអាហារឆ្មាជិត ៤ តោនទៅដល់ឆ្មាអនាថាដែលរស់នៅក្នុងបរិវេណសាកលវិទ្យាល័យចំនួន ៧៦ នៅទូទាំងប្រទេស។ សកម្មភាពសប្បុរសធម៌មួយនេះបានស្ដែងឱ្យឃើញថាក្ដីស្រឡាញ់របស់ពួកគេមិនត្រឹមតែបង្ហាញតាមរយៈការគាំទ្រស្នាដៃសិល្បៈរបស់ ZIYU ប៉ុណ្ណោះទេ ប៉ុន្តែក្នុងនោះក៏ត្រូវមានចំណែកជួយទៅដល់សង្គមផងដែរមិនថាជាមនុស្ស ឬសត្វនោះឡើយ។   

ជាការពិតសម្រាប់ ZIYU ក៏តែងតែបង្ហាញគម្រូល្អទៅដល់អ្នកគាំទ្ររបស់លោកតាមរយៈការរួមចំណែកក្នុងការងារសង្គមជាយូរមកហើយចាប់តាំងពីថ្ងៃដំបូងនៃការឈានជើងសិល្បៈរហូតដល់ពេលនេះ។ បច្ចុប្បន្ននេះឥទ្ធិពល និងភាពល្បីល្បាញរបស់លោកកាន់រីកសាយខ្លាំងឡើងយ៉ាងណាក៏ដោយ ក៏លោកមិនដែលឡើយនូវការផ្សព្វផ្សាយក្ដីស្រឡាញ់តាមរយៈការលើកទឹកចិត្តឱ្យមនុស្សឱ្យយកចិត្តទុកដាក់ឱ្យច្រើនទៅសកម្មភាពសប្បុរសធម៌។ លោកចង់បង្ហាញទៅកាន់អ្នកគាំទ្រថា “នៅពេលដែលយើងទទួលបានភាពជោគជ័យ យើងគួរតែជួយអ្នកដទៃ” តាមរយៈសកម្មភាពណាមួយ។

ក្រោមឥទ្ធិពលរបស់ ZIYU ផ្ទាល់​ ក្រៅពីការបរិច្ចាគចំណីឆ្មាហើយក្នុងឱកាសថ្ងៃកំណើតហើយ ក្រុមអ្នកគាំទ្រ YUNI បានស្ដែងឱ្យឃើញថាមពលវិជ្ជមានដល់សង្គមតាមរយៈសកម្មភាពមួយចំនួនទៀតដូចជាបរិច្ចាគសម្ភារចំនួន ២ តោនទៅកាន់ស្ថានីយជួយសង្គ្រោះសត្វ Qingdao Lingling ព្រមទាំងបានចូលរួមឧបត្ថម្ភការចិញ្ចឹមខ្លាឃ្មុំ Bruce នៅសួនសត្វ Hongshan ផងដែរ។ លើសពីនេះពួកគេបានគាំទ្រការអភិវឌ្ឍសង្គម និងសុខភាពដោយរៃអង្គាសថវិកាបានជាង ២៧៥ ០០០ យ័នសម្រាប់ “គម្រោងជំនួយដល់ការស្ដាប់” និងបានបរិច្ចាគថវិកាជាង ៥០៩ ០០០ យ័នទៅកាន់ទីក្រុងហុងកុងរួមជាមួយការជួយសង្គ្រោះជនងាយរងគ្រោះ និងស្ត្រីដោយបរិច្ចាគអាវរោមចំនួន ២៣៨ អាវទៅកាន់តំបន់ត្រជាក់ Yushu និងបានបរិច្ចាគថវិកាចំនួន ៧,៦០០ យ័នទៅឱ្យគម្រោង “Go Mulan” ក្នុងឱកាសទិវានារីអន្តរជាតិដើម្បីគាំទ្រដល់ស្ត្រីផងដែរ។

ចាប់ផ្តើមពីបេះដូងមនុស្សម្នាក់រហូតបង្កើតបានជាកម្លាំងសាមគ្គីរបស់មនុស្សមួយក្រុមធំ ពីបំណងប្រាថ្នាដ៏សាមញ្ញ ទៅជាសកម្មភាពមនុស្សធម៌ដ៏មានតម្លៃរាប់មិនអស់។ ក្តីស្រឡាញ់ និងទឹកចិត្តសប្បុរសដែលឆ្លុះបញ្ចាំងគ្នាទៅវិញទៅមក រវាង ZIYU និងក្រុមអ្នកគាំទ្រ YUNI បានបង្ហាញយ៉ាងច្បាស់ថាឥទ្ធិពលវិជ្ជមានរបស់សិល្បករម្នាក់ពិតជាអាចបង្កើតភាពកក់ក្តៅ និងក្តីសង្ឃឹមដ៏អស្ចារ្យដល់សង្គមជាតិទាំងមូល៕

រូបភាព៖ 兔子喵