ចំណូលពីរមណីយដ្ឋានអង្គរ ធ្លាក់ចុះប្រមាណ ៣០ភាគរយ ក្នុងរយៈពេល២ខែ ដើមឆ្នាំ២០២៦

ភ្នំពេញ៖ សេចក្ដីប្រកាសព័ត៌មានរបស់គ្រឹះស្ថានអង្គរនាថ្ងៃទី១ ខែមីនា ឆ្នាំ២០២៦ បានឱ្យដឹងថា ក្នុងរយៈពេល ២ខែ ដើមឆ្នាំ២០២៦ គ្រឹះស្ថានអង្គរ រកចំណូលបានពីការលក់សំបុត្រចូលទស្សនារមណីយដ្ឋានអង្គរបានជាង ៩,១លានដុល្លារអាម៉េរិក ដែលចំណូលនេះធ្លាក់ចុះ ៣០,៣២ ភាគរយ បើធៀបនឹងរយៈពេលដូចគ្នាឆ្នាំ២០២៥ ខណៈដែលភ្ញៀវទេសចរដែលចូលទៅទស្សនាតំបន់អង្គរសរុបមានចំនួន ១៨៨ ៨៨៥នាក់ ថយចុះ ៣២,៤៥ភាគរយ បើធៀបនឹងរយៈពេលដូចគ្នាឆ្នាំ២០២៥។ ចំណែកឯចំណូលពីការលក់បណ្ណចូលទស្សនាប្រាសាទកោះកេរ បេងមាលា ភ្នំក្បាលស្ពាន និងសំបុត្រទូកនៅតំបន់កំពង់ភ្លុក ក្នុងរយៈពេល២ខែ ដើមឆ្នាំនេះ មានសរុបចំនួន ៣០០ ៨៨៧ដុល្លារ។

គួររំលឹកថា៖ នៅឆ្នាំ២០២៥ កម្ពុជារកចំណូលបានជាង ៤៤លានដុល្លារ(៤៤ ៧១១ ៦៧៥ ដុល្លារ) ពីការលក់សំបុត្រចូលទស្សនារមណីយដ្ឋានអង្គរជូនដល់ភ្ញៀវទេសចរអន្តរជាតិជាង ៩៥ ម៉ឺននាក់(៩៥ ៥១៣១នាក់)៕

លោក ញ៉ែម សុផល | Mr. NHEM SOPHAL

ជីវប្រវត្តិ: លោក ញ៉ែម សុផល ចាប់ផ្តើមអាជីពសារព័ត៌មាននៅឆ្នាំ១៩៩៣និងធ្លាប់មានបទពិសោធន៍ជិត៣០ឆ្នាំក្នុងវិស័យសារព័ត៌មាន ផ្នែកសេដ្ឋកិច្ច ពាណិជ្ជកម្ម អប់រំ វប្បធម៌ សង្គម និង បកប្រែភាសាអង់គ្លេស ។ ធ្លាប់បម្រើការក្នុងស្ថាប័នសារព័ត៌មានធំៗជាច្រើន ដូចជា ស្ថានីយទូរទស្សន៍ កាសែត ទស្សនាវដ្តី និងគេហទំព័រ ដោយទទួលបានការបណ្តុះបណ្តាលវិជ្ជាជីវៈទាំងនៅក្នុងស្រុកនិងក្រៅប្រទេស។ លោកបានបញ្ចប់ការសិក្សាថ្នាក់បរិញ្ញាបត្រជំនាញភាសាអង់គ្លេស។បច្ចុប្បន្នជាអ្នកយកព័ត៌មានជាន់ខ្ពស់ផ្នែកសេដ្ឋកិច្ចនិងផ្សព្វផ្សាយនៅ AMS Economy ៕

ចំណូលពីរមណីយដ្ឋាន​អង្គរ ធ្លាក់​ចុះប្រមាណ ៣០ភាគរយ ក្នុងរយៈពេល២ខែ ដើមឆ្នាំ២០២៦

លោក ញ៉ែម សុផល | Mr. NHEM SOPHAL

ចំណូលពីរមណីយដ្ឋានអង្គរ ធ្លាក់ចុះប្រមាណ ៣០ភាគរយ ក្នុងរយៈពេល២ខែ ដើមឆ្នាំ២០២៦