សាកលវិទ្យាល័យ​សេដ្ឋកិច្ច-ឧស្សាហកម្មឡុងអាន នៃប្រទេសវៀតណាម បានប្រកាស​ផ្តល់អាហារូបករណ៍​ចំនួន ៦កន្លែង ដល់សិស្ស និស្សិតរស់នៅ​ក្នុងខេត្តស្វាយរៀង ដើម្បីបន្ត​ការ​សិក្សា​ថ្នាក់បរិញ្ញាបត្រ។

ជំនាញដែល​អាហារូបករណ៍ផ្តល់ជូន​រួមមាន គ្រប់គ្រងអាជីវកម្ម Business Administration, ហិរញ្ញវត្ថុ ធនាគារ Banking and Finance, Marketing, Accounting, Economic Law, គ្រប់គ្រងសេវាកម្មទេសចរណ៍ និង​ដំណើរ​កម្សាន្ត Tourism and Travel Management, ព័ត៌មានវិទ្យា Information Technology, បច្ចេកទេសសំណង់ Construction Engineering Technology។

លក្ខខណ្ឌនៃការជ្រើសរើស ៖ មានសញ្ជាតិខ្មែរ, ជាប់សញ្ញាបត្រ​មធ្យមសិក្សា​ទុតិយភូមិ ឬកំពុង​រៀន​ថ្នាក់ទី១២, ជ្រើសរើស​ចូលរៀន​កម្រិត​ឧត្តមថ្នាក់ពេញម៉ោងសិក្សា នៅសាកលវិទ្យាល័យ​សេដ្ឋកិច្ច ឧស្សាហកម្ម​ឡុងអាន សម្រាប់ឆ្នាំ២០២៦, មានសុខភាពល្អ ជីវៈប្រវត្តិច្បាស់លាស់ មិន​មាន​ជាប់បទពិរុទ្ធ​ល្មើសច្បាប់។

សំណុំឯកសារដាក់ពាក្យ​អាហារូបករណ៍ ៖ ឯកសារពិន្ទុរៀន​នៅកម្រិតមធ្យមសិក្សា​ទុតិយភូមិ (ពិន្ទុល្អគ្រប់មុខវិជ្ជាទាំង​ថ្នាក់ទី១០ ទី១១ និងថ្នាក់ទី១២ ចាប់ពីមធ្យមភាគ ៧.៥ឡើង ឥរិយាបទសីលធម៌ល្អ និង​មានលិខិត​ឧទ្ទេសនាម​ខ្លួន), អត្តសញ្ញាណប័ណ្ណ, តារាងពិន្ទុបញ្ជាក់​ពីសាលា, គំរូពាក្យបំពេញ​ដាក់ពាក្យ​អាហារូបករណ៍, លិខិតឧទ្ទេសនាមខ្លួន។

ការចំណាយ និង​តម្លៃអាហារូបករណ៍ ៖ ការស្នាក់នៅ​អន្តេវាសិកដ្ឋាន (ឥតគិតថ្លៃ), ចំណាយហូបចុក សកម្មភាព​រស់នៅ​ផ្ទាល់ខ្លួន​ ជាបន្ទុករបស់សាមីខ្លួន, តម្លៃអាហារូបករណ៍ប្រហែល 240.000.000 ដុង/សិស្សម្នាក់ (ថ្លៃសិក្សា១០០%)។

សម្រាប់សិស្សនិស្សិតដែលមានចំណាប់អារម្មណ៍ សូមទំនាក់ទំនងទៅកាន់ការិយាល័យ​កសាងសមត្ថភាព សាលា​ខេត្តស្វាយរៀង រៀងរាល់ម៉ោងធ្វើការ តាមរយៈទូរស័ព្ទ/តេឡេក្រាម 097 535 5155។ វគ្គជ្រើសរើស​ចូលរៀន​ផ្លូវការ ត្រូវ​បានអ​នុវត្ត​តាម​ការ​កំណត់របស់​ក្រសួងអប់រំ និង​បណ្តុះបណ្តាលវៀតណាម នៅខែសីហា និងខែកញ្ញារៀងរាល់ឆ្នាំ, ខែវិច្ឆិកា និងខែធ្នូ ជាពេលកំណត់ចុងក្រោយ ដើម្បីបញ្ចប់ការជ្រើសរើស៕