ឱកាសសម្រាប់សិស្សវិទ្យាល័យ! កម្មវិធី «ក្លឹបសហគ្រិនវិទ្យាល័យ» បើកទទួលពាក្យ ដើម្បីបណ្តុះជំនាញអាជីវកម្ម និងភាពជាអ្នកដឹកនាំតាមអនឡាញ

ដើម្បីចូលរួមចំណែកក្នុងការជំរុញ និងអភិវឌ្ឍសមត្ថភាពយុវជនកម្ពុជាឱ្យកាន់តែមានភាពច្នៃប្រឌិត និងទាន់សម័យកាល ពេលនេះកម្មវិធី «ក្លឹបសហគ្រិនវិទ្យាល័យ» បានប្រកាសបើកទទួលពាក្យចូលរួមពីសិស្សានុសិស្សទូទាំងប្រទេសជាផ្លូវការហើយ។

«ក្លឹបសហគ្រិនវិទ្យាល័យ» គឺជាវេទិកាយុវជនមួយ ដែលត្រូវបានបង្កើតឡើងក្នុងគោលបំណងផ្តល់ឱកាសឱ្យសិស្សានុសិស្សចាប់ពីថ្នាក់ទី ១០ ដល់ថ្នាក់ទី១២ បានសិក្សាស្វែងយល់កាន់តែស៊ីជម្រៅពីជំនាញសហគ្រិនភាព ភាពជាអ្នកដឹកនាំ ជំនាញដោះស្រាយបញ្ហា ក៏ដូចជាការបង្កើតដំណោះស្រាយប្រកបដោយភាពច្នៃប្រឌិតខ្ពស់។

កាន់តែពិសេស និងមានភាពបត់បែនសម្រាប់យុវជនសម័យឌីជីថល កម្មវិធីនេះនឹងដំណើរការទាំងស្រុងតាមប្រព័ន្ធអនឡាញ តាមរយៈឆានែលតេឡេក្រាម (Telegram Channel)។ របៀបសិក្សានេះ មិនត្រឹមតែបង្កលក្ខណៈងាយស្រួលដល់សិស្សានុសិស្សនៅគ្រប់រាជធានី-ខេត្ត អាចចូលរួមបានយ៉ាងងាយស្រួលប៉ុណ្ណោះទេ ប៉ុន្តែថែមទាំងផ្តល់ភាពបត់បែនខ្ពស់ ដែលជួយឱ្យប្អូនៗអាចគ្រប់គ្រងពេលវេលាសិក្សារបស់ខ្លួនបានយ៉ាងមានប្រសិទ្ធភាពទៀតផង។

អត្ថប្រយោជន៍សំខាន់ៗដែលសិស្សានុសិស្សនឹងទទួលបានពីការចូលរួម៖
- ការបណ្ដុះផ្នត់គំនិតសហគ្រិនភាព និងជំនាញអាជីវកម្មកម្រិតមូលដ្ឋាន
- ការរៀនពីរបៀបបំប្លែងគំនិតឱ្យទៅជាដំណោះស្រាយជាក់ស្ដែងសម្រាប់សហគមន៍
- ការជួបពិភាក្សា និងចែករំលែកចំណេះដឹងពីសហគ្រិនជោគជ័យក្នុងស្រុក
- ការតភ្ជាប់ជាមួយបណ្ដាញយុវជនឆ្នើមទូទាំងប្រទេស

នេះគឺជាឱកាសសម្រាប់សិស្សានុសិស្សក្នុងការអភិវឌ្ឍសមត្ថភាពខ្លួនឯង បន្ថែមលើការសិក្សានៅក្នុងថ្នាក់រៀន ដើម្បីត្រៀមខ្លួនសម្រាប់ឱកាសការងារ និងការបង្កើតអាជីវកម្មទៅថ្ងៃអនាគត។

សម្រាប់សិស្សានុសិស្សដែលមានបំណងចង់អភិវឌ្ឍសមត្ថភាព និងមិនចង់ឱ្យឱកាសដ៏ពិសេសនេះកន្លងហួស អាចធ្វើការចុះឈ្មោះចូលរួមបានតាមរយៈ [តំណភ្ជាប់] ។

កាលបរិច្ឆេទឈប់ទទួលពាក្យ៖ ថ្ងៃទី១១ ខែកក្កដា ឆ្នាំ២០២៦។

សម្រាប់ព័ត៌មានបន្ថែម សូមធ្វើការទាក់ទងតាមរយៈលេខទូរស័ព្ទ៖ ០៩៩ ៣៣ ៨៨ ៤៩៕

លោក សេក សត្យា | Mr. Sek Sathya

លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។