ក្រសួងអប់រំ យុវជន និងកីឡា បានដាក់ទិសដៅថ្មី ដោយបន្តពង្រឹង និងកែលម្អ​មុខវិជ្ជាដែលត្រូវសិក្សា​នៅថ្នាក់មូលដ្ឋាន ទាំងផ្នែកវិទ្យាសាស្រ្ត និងវិទ្យាសាស្រ្តសង្គម ពិសេសពង្រឹងការសិក្សា​មុខវិជ្ជាប្រវត្តិសាស្រ្ត និងភាសាខ្មែរ ​សំដៅកសាង អាវក្រោះបញ្ញាស្មារតី ​សម្រាប់យុវជនក្នុងយុគសម័យសកភាវូបនីយកម្ម។

ក្នុង​កិច្ច​ប្រជុំពិនិត្យ និង​វាយតម្លៃ​ការ​អនុវត្តកម្មវិធីសិក្សា​ឆ្នាំមូលដ្ឋាននៅ​ឧត្តមសិក្សា និង​ការ​បង្រៀន​មុខ​វិជ្ជា​ប្រវត្តិវិទ្យា កាលពីថ្ងៃអង្គារ (១៧ មីនា) ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា មានប្រសាសន៍ថា ការសិក្សា​មុខវិជ្ជា​ប្រវត្តិវិទ្យា ភាសាខ្មែរ និង​ទស្សនវិជ្ជា មានសារៈសំខាន់ ព្រោះមុខវិជ្ជាទាំងនេះ គឺជាមូលដ្ឋានគ្រឹះ​ចំណេះដឹងចាំបាច់សម្រាប់​សិស្ស និស្សិតកម្ពុជា ក្នុង​ការកសាង និង​ពង្រឹងអត្តសញ្ញាណជាតិ។

បើតាមក្រសួងអប់រំ យុវជន និងកីឡា ក្នុង​កិច្ច​ប្រជុំនោះ ភាគីពាក់ព័ន្ធបានពិនិត្យមើលបញ្ហាប្រឈម ស្វែងយល់ពីការលំបាករបស់សាស្ត្រាចារ្យ និងនិស្សិតក្នុងការបង្រៀន និងរៀនមុខវិជ្ជាប្រវត្តិវិទ្យា សំដៅលើកកម្ពស់គុណភាពការរៀននិងបង្រៀន កំណត់វិធីសាស្ត្របង្រៀនបែបថ្មីៗ ដើម្បីឱ្យការសិក្សាប្រវត្តិវិទ្យាកាន់តែមានភាពទាក់ទាញ និងរស់រវើក។

ក្រសួងអប់រំក៏បានបញ្ជាក់ដែរថា គោលបំណងនៃការសិក្សាមុខវិជ្ជា ប្រវត្តិសាស្ត្រកម្ពុជា ត្រូវបានរួបរួមឡើង ដើម្បីអប់រំនិងពង្រឹងស្មារតីជាតិនិយម ស្នេហាជាតិ មោទនភាពជាតិ សមត្ថភាពគិតពិចារណា ដោយយកជាគំរូសម្រាប់មេរៀនល្អៗនៃអតីតកាលរបស់ដូនតា និងបោះបង់ចោលនូវគំរូមិនល្អ ពង្រឹងឆន្ទៈធ្វើជាពលរដ្ឋល្អដ៏សកម្មដល់យុវជន ដើម្បីរួមចំណែកក្នុងបុព្វហេតុការពារ និងកសាងប្រទេសជាតិឱ្យរីកចម្រើនក្នុងពេលបច្ចុប្បន្ន និងទៅអនាគត។

បន្ថែមពីនេះ គោលបំណងនៃការសិក្សាមុខវិជ្ជាប្រវត្តិសាស្ត្រកម្ពុជា ត្រូវបានរួបរួមឡើងដើម្បីអប់រំ និងពង្រឹងស្មារតីជាតិនិយម ស្នេហាជាតិ មោទនភាពជាតិ និងសមត្ថភាពគិតពិចារណា ដោយយកជាគំរូសម្រាប់មេរៀនល្អៗនៃអតីតកាលរបស់ដូនតា និងបោះបង់ចោលនូវគំរូមិនល្អ ពង្រឹងឆន្ទៈធ្វើជាពលរដ្ឋល្អដ៏សកម្មដល់យុវជន ដើម្បីរួមចំណែកក្នុងបុព្វហេតុការពារ និងកសាងប្រទេសជាតិឱ្យរីកចម្រើនក្នុងពេលបច្ចុប្បន្ន និងទៅអនាគត៕