កម្ពុជាធ្វើបានហើយ! គីម ច័ន្ទជីញហ្វា ក្លាយជាម្ចាស់មកុដ Miss Preteen Global 2026

ទង់ជាតិកម្ពុជាត្រូវបានលើកគ្រវីឡើងទាំងមោទកភាពដោយបវរកញ្ញា គីម ច័ន្ទជីញហ្វា ក្រោយការប្រកាសលទ្ធផលក្លាយជាម្ចាស់ជយលាភី Miss Preteen Global 2026 លើឆាកប្រកួតអន្តរជាតិនៅប្រទេសម៉ាឡេស៊ីកាលពីរាត្រីម្សិលមិញ។

គីម ច័ន្ទជីញហ្វា ជាបវរកញ្ញាកម្ពុជាមួយរូបដែលបាននាំយកកេរ្តិ៍ឈ្មោះរបស់កម្ពុជាបង្ហាញនៅលើឆាកអន្តរជាតិ ជាមួយការដណ្ដើមបានតំណែងជាម្ចាស់ជយលាភី Miss Preteen Global ក្នុងឆ្នាំ 2026 ។ ការប្រកួតដ៏ក្ដៅគគុកលើឆាកអន្តរជាតិ ក្នុងរាត្រីថ្ងៃទី ៩ ខែ មេសា ឆ្នាំ ២០២៦ ម្សិលមិញ បវរកញ្ញា គីម ច័ន្ទជីញហ្វា មិនត្រឹមយកបានមកុដជ័យលាភី Miss Preteen Global 2026 ថែមទាំងទទួលបានពានជាច្រើនរួមមានពានរង្វាន់ BEST NATIONAL CUSTUM , BEST INTRODUCTION VDO , SOCIAL MEDIA STAR AWARD , BEST WELCOME DINNER OUTFIT ថែមទៀតផង៕