ឈុត គ្រីស ឌីវ៉ា នាថ្ងៃផ្ដាច់ព្រ័ត្រ The Next Level Rap Star ស្អាត និងស័ក្តិសមនាងបំផុត

បើទោះជា គ្រីស ឌីវ៉ា មិនបានលើកពាន The Next Level Rap Star ក៏ពិតមែន តែមហាជនពិតជាទទួលស្គាល់ទេពកោសល្យ និងការខិតខំប្រឹងប្រែងរបស់នាងនៅលើវិថីមួយនោះ។ មិនត្រឹមតែមានសមត្ថភាព rap យ៉ាងអស្ចារ្យ ឌីវ៉ា ក៏ជាអ្នកច្នៃម៉ូដសម្លៀកបំពាក់ដ៏ពូកែម្នាក់ផងដែរ។

នៅក្នុងជំហាននៃការប្រកួត The Next Level Rap Star ជាអ្នកកែច្នៃ កាត់ដេរសម្លៀកបំពាក់ដោយខ្លួនឯងផងដែរ។ នារាត្រីផ្ដាច់ព្រ័ត្រនោះ អ្នកគាំទ្រដឹងយ៉ាងច្បាស់ថា ឌីវ៉ា បានឈ្នះក្នុងបេះដូងអ្នកគាំទ្រទាំងអស់គ្នារួចបាត់ទៅហើយ ហើយមហាជនពិតជាស្ងើចសរសើរពីសម្ដែងដ៏អស្ចារ្យ ព្រមជាមួយ outfit គ្មានអ្នកដូច។

សម្រាប់ឈុតពណ៌មាសរបស់ ឌីវ៉ា ដែលច្នៃយ៉ាងពិសេស និងតែមួយគត់សម្រាប់ខ្លួនឯង ហើយថែមទាំងបញ្ចូលក្បាច់ផ្កាភ្ញីខ្មែរ យ៉ាងល្អល្អះឲ្យឈុតលេចធ្លោមួយកម្រិតទៀត។ មុនពេលដាក់ពាក្យចូលរួមប្រកួត The Next Level Rap Star ឌីវ៉ា ជាតារាចម្រៀងស្រាប់រួចទៅហើយ បទពិសោធន៍នៅក្នុងការប្រឡងកម្មវិធីរ៉េបនេះ កាន់តែធ្វើឲ្យនាងត្រូវបានគេទទួលស្គាល់កាន់តែច្រើន៕