កូនខ្មែរបារាំង និងកូនខ្មែរអាមេរិក រួមគ្នាផ្សព្វផ្សាយពីវប្បធម៌ សិល្បៈខ្មែរ

តារាបង្ហាញម៉ូដដែលជាកូនកាត់ ២ រូប គឺ Mélia Constantin និង Sydney Marith បានចាប់ដៃគ្នាម្ដងទៀត ក្នុងការផ្សព្វផ្សាយសម្លៀកបំពាក់វប្បធម៌ខ្មែរ ហើយទីតាំងថតរូបទៀតសោតគឺនៅខេត្តសៀមរាប នាប្រាសាទអង្គរវត្ត។ ទាំងរូបភាព និងវីដេអូរបស់ មាលា និង ស៊ីដនី ផ្ទុះការចាប់អារម្មណ៍ខ្លាំងសម្រស់ដ៏ស្រស់ស្អាត និងស្បៃដ៏ប្រណីតដែលអ្នកទាំង ២ គ្រង។

តារាខ្មែរទាំង ២ ដែលម្នាក់ៗសុទ្ធសឹងតែជាកូនកាត់ ដោយម្នាក់ជាកូនបារាំង និងខ្មែរ ហើយម្នាក់ទៀតជាកូនកាត់ខ្មែរអាមេរិក តែបើនិយាយពីសម្រស់វិញ ពិតជាគ្មានពាក្យបរិយាយឡើយ ទាំងស្រស់ស្អាត និងមានចំណេះដឹងពេញខ្លួន។ ដោយសារតែសម្រស់បែបកូនកាត់នេះហើយ មាលា និង Sydney ពេលគ្រងឈុតប្រពៃណីខ្មែរ «ស្បៃ» ប្រៀបបីដូចទេពធីតា។

មាលា តារាស្រីកំពុងល្បីខ្លាំងក្នុងស្រទាប់មហាជនទាំង MV, ប្រម៉ូរតផលិតផលថែរក្សាសម្រស់ និងកំពុងត្រូវប៉ាន់ក្នុងវិស័យថតម៉ូដសម្លៀកបំពាក់។ នាងជាកូនកាត់ដោយម្ដាយជាជនជាតិខ្មែរ ហើយឪពុកជាជនជាតិបារាំង។ នាងមានសមត្ថភាពនិយាយបាន ៣ ភាសា ស្ទាត់ជំនាញ ក្នុងនោះមានអង់គ្លេស ខ្មែរ និងបារាំង។

សិល្បករខ្មែរកំពុងជំរុញការផ្សព្វផ្សាយពីសម្លៀកបំពាក់ស្បៃខ្មែរកាន់តែផុសផុលឡើង និងជ្រើសរើសទីតាំងនៅខេត្តសៀមរាប ដែលជាទីឋានសម្បូរទៅប្រាសាទបុរាណខ្មែរដែលកសាងតាំងពីរាប់ពាន់ ឆ្នាំមុន។

ចំណែក Miss Planet International 2025 Sydney Marith មានវ័យ ២១ឆ្នាំ មានឪពុកជាជនជាតិខ្មែរ និងម្ដាយជាជនជាតិអាមេរិក ហើយកញ្ញាបានបញ្ចប់ការសិក្សាថ្នាក់បរិញ្ញាបត្ររងនៅ Bellevue College Community Education។ មាលា និង Sydney ជាមិត្តសម្លាញ់និងគ្នា ហើយជាញឹកញាប់អ្នកទាំង ២ ត្រូវបានថតប្រម៉ូតកន្លែង និងផលិតផលជាច្រើនជាមួយគ្នា ហើយក៏ដើរលេងជាមួយគ្នាជាក្រុមកូនកាត់ដែរ៕

រូបភាព៖ Sydney Marith

អ្នកនាង ទ្រី រ៉ាវី | Ms. Try Ravy

ប្រឡូកក្នុងវិស័យសារព័ត៌មានជាច្រើន រ៉ាវី មានបទពិសោធន៍ជាអ្នករាយការណ៍ អ្នកផលិតមាតិកា និងការីនិពន្ធនៅស្ថាប័នក្នុងស្រុកជាច្រើន ជាពិសេសផ្នែកអត្ថបទសុខភាព និងជីវិតកម្សាន្ត