រោងភាពយន្ត SABAY CINEMA និង Sabay Bowling បានបង្កើតយុទ្ធនាការសប្បុរសធម៌មួយដើម្បីជួយដល់កុមារដែលមានបញ្ហាសតិអារម្មណ៍ និងកុមារអូទីស្សឹម ជាង ៨០០ នាក់ដែលកំពុងទទួលការថែទាំពិសេសនៅសាលារៀន ទន្សាយ។
បណ្ដាញផ្សព្វផ្សាយយើងខ្ញុំផ្សេងទៀត
- ព័ត៌មានទូទៅ
- សេដ្ឋកិច្ច
- អប់រំ
- កីឡា
- កម្សាន្ត
- អរិយធម៌ខ្មែរ
- Politico 360
- One-Minute
- សច្ចធម៌ប្រវត្តិសាស្ត្រ
- វឌ្ឍនភាពកម្ពុជា
- អំពីក្រុមហ៊ុន
SABAY CINEMA សហការបង្កើតយុទ្ធនាការជួយកុមារអូទីស្សឹមនៅសាលារៀន ទន្សាយ
Advertisement
កាលពីថ្ងៃទី ១ ខែ មិថុនា ឆ្នាំ ២០២៦ ម្សិលមិញ ដែលជាថ្ងៃកុមារអន្តរជាតិ SABAY CINEMA និង Sabay Bowling បានប្រកាសបើកជាផ្លូវការយុទ្ធនាការសប្បុរសធម៌ «ចែករំលែកសុភមង្គលជាមួយ SABAY សម្រាប់កុមារ» នៅឯរោងកុន SABAY សាខា Aeon2។ យុទ្ធនាការនេះធ្វើឡើងរយៈពេល១ខែពេញ ចាប់ពីថ្ងៃ ១ ដល់ថ្ងៃ៣០ ខែមិថុនា ឆ្នាំ ២០២៦ ក្នុងគោលបំណងរៃអង្គាសថវិកា និងបង្កើនការយល់ដឹងជាសាធារណៈអំពីកុមារដែលមានតម្រូវការពិសេស ព្រមទាំងជំរុញឱ្យមានការចូលរួម និងរួមបញ្ចូលគ្នាឱ្យកាន់តែប្រសើរនៅក្នុងសង្គម។
ក្នុងរយៈពេល១ខែនៃយុទ្ធនាការ សាធារណៈជនអាចចូលរួមគាំទ្រនៅ SABAY CINEMA និង Sabay Bowling គ្រប់សាខាផ្សារទំនើប Aeon ទាំងអស់។ សម្រាប់សមាជិក Sabay Bowling ទទួលបានការផ្ដល់ជូនពិសេសដោយអាចលេងប៊ូលីងលើកដំបូងក្នុងតម្លៃត្រឹម ១ ដុល្លារ (បញ្ចុះពីតម្លៃធម្មតា ៥ ដុល្លារ) ហើយថវិកានេះនឹងបរិច្ចាគជូនអង្កការ Rabbit School។ បន្ថែម SABAY CINEMA នឹងបរិច្ចាគ ៥០០រៀល សម្រាប់ការទិញពោតលីង (Popcorn) មួយប្រអប់ក្នុងអំឡុងពេលយុទ្ធនាការនេះផងដែរ។
ជាមួយគ្នា ក្នុងថ្ងៃប្រកាសបើកផ្លូវការយុទ្ធនាការសប្បុរសធម៌កាលពីម្សិលមិញ ក៏មានការចូលរួមពីសំណាក់ថ្នាក់ដឹកនាំរបស់ SABAY CINEMA និង Sabay Bowling តំណាងអង្គការ Rabbit School តំណាងកម្មវិធី RUN BY HEART និង ស្ថាបនិក Run With Sai លោក អ៊ួន បឋម (សាយ) ព្រមទាំងវត្តមានអាណាព្យាបាល និងកុមារតម្រូវការពិសេសជាច្រើនបានអញ្ជើញចូលរួម។ ស្ថិតក្នុងបរិយាកាសដ៏ពិសេសខាងលើ អាណាព្យាបាលនិងកុមារអូទីស្សឹមក៏បានទស្សនារឿងកុន និងចូលរួមសកម្មភាពសប្បាយៗជាច្រើនដូចជាការបោះប៊ូលីង និងថតរូបលេងជាដើម។
គួរឱ្យដឹងថា នៅពេលបញ្ចប់យុទ្ធនាការ នាថ្ងៃទី ៣០ ខែមិថុនា ឆ្នាំ ២០២៦ ថវិកាទាំងអស់ដែលប្រមូលបាននឹងប្រគល់ជូនអង្កការ Rabbit School ក្នុងអំឡុងពេលទស្សនកិច្ចពិសេសដែលគ្រោងរៀបចំនៅខែ កក្កដា ឆ្នាំ ២០២៦៕
កញ្ញា កែវ សុខអាត | Ms. KEO SOK ART
ជីវប្រវត្តិ: មានបទពិសោធន៍ជាអ្នកបង្កើតមាតិការសង្គម និងជំនួញ ក្នុងស្រុក-ក្រៅស្រុក និងជាអ្នកសរសេររឿងប្រលោមលោក។ បច្ចុប្បន្នជាអ្នកបង្កើតមាតិការកំសាន្ត ប្លែកៗ នៃ AMS Infotainment។
ឆ្នាំ២០២៥ © រក្សាសិទ្ធិគ្រប់យ៉ាងដោយ៖ អគ្គនាយកដ្ឋានវិទ្យុ និងទូរទស្សន៍អប្សរា