សូមប្រយ័ត្ន! ជនខិលខូចប្រើឈ្មោះ «សមាគមសិល្បករខ្មែរ» ដើររៃអង្គាសប្រាក់បោកប្រាស់ពលរដ្ឋ

សមាគមសិល្បករខ្មែរ បានប្រកាសជូនដំណឹងដល់សាធារណៈជនឱ្យប្រុងប្រយ័ត្ន ព្រោះមានជនខិលខូចមិនស្គាល់អត្តសញ្ញាណបានប្រើឈ្មោះ សមាគមសិល្បករខ្មែរ ដើររៃអង្គាសថវិកាតាមទីសាធារណៈ ដោយភូតភរថាជួយជនភៀសសឹក និងកងទ័ពជួរមុខ។

ថ្មីៗ នេះសមាគមសិល្បករខ្មែរបានទទួលព័ត៌មានថា មានជនឆ្លៀតឱកាសមួយចំនួនបានប្រើឈ្មោះរបស់សមាគមសិល្បករខ្មែរ ដើម្បីដើរប្រមូលថវិកាតាមទីសាធារណៈ ដោយបានលើកឡើងថា រៃអង្គាសថវិកាដើម្បីជួយជនភៀសសឹក និងវីរកងទ័ពតាមព្រំដែន។ ជាមួយគ្នា ក្នុងនាមស្ថាប័នអ្នកនាំពាក្យសមាគមសិល្បករខ្មែរ បានធ្វើការបដិសេធដាច់អហង្ការថា នេះមិនមែនជាសកម្មភាពរបស់ក្រុមការងារ និងសមាជិករបស់សមាគមសិល្បករខ្មែរឡើយ។ ដោយឡែក សមាគមសិល្បករខ្មែរ មិនមានកម្មវិធីដើររៃអង្គាសប្រាក់បែបនេះទេ។

បន្ថែម សមាគមសិល្បករខ្មែរ នឹងអនុវត្តន៍វិធានការផ្លូវច្បាប់ជាបន្ទាន់ ចំពោះជនឆ្លៀតឱកាសទាំងឡាយណាដែលនៅបន្តប្រព្រឹត្តិសកម្មភាពខុសឆ្គងបែបនេះទៀត៕

រូបភាព ៖ សមាគមសិល្បករខ្មែរ

កញ្ញា កែវ សុខអាត | Ms. KEO SOK ART

ជីវប្រវត្តិ: មានបទពិសោធន៍ជាអ្នកបង្កើតមាតិការសង្គម និងជំនួញ ក្នុងស្រុក-ក្រៅស្រុក និងជាអ្នកសរសេររឿងប្រលោមលោក។ បច្ចុប្បន្នជាអ្នកបង្កើតមាតិការកំសាន្ត ប្លែកៗ នៃ AMS Infotainment។

សូម​ប្រយ័ត្ន! ជន​ខិល​ខូច​ប្រើ​ឈ្មោះ «សមាគម​សិល្បករ​ខ្មែរ» ដើររៃ​អង្គាស​ប្រាក់បោក​ប្រាស់​ពលរដ្ឋ

កញ្ញា កែវ សុខអាត | Ms. KEO SOK ART

សូមប្រយ័ត្ន! ជនខិលខូចប្រើឈ្មោះ «សមាគមសិល្បករខ្មែរ» ដើររៃអង្គាសប្រាក់បោកប្រាស់ពលរដ្ឋ