ប្រជាប្រិយភាព The Zero Project ពិតជាមិនធម្មតា អ្នកគាំទ្រទៅទស្សនាការបង្ហាញខ្លួនលើកដំបូងឡើងផ្អើលផ្សារទំនើប

កម្មវិធី The Zero Project បានបើកបង្ហាញមុខបេក្ខជនទាំង ១២ នាក់ជាផ្លូវការ កាលពីថ្ងៃ ៣១ ខែឧសភា ឆ្នាំ ២០២៦ កន្លងទៅ ពិតជាមិននឹកស្មានដល់ថាមានការគាំទ្រខ្លាំងបែបនេះ សោះមនុស្សឈរមើលច្រើនកុះករ តាំងពីជាន់លើបំផុតនៃផ្សារទំនើប ដើម្បីបានទស្សនាការសម្ដែងរបស់ Trainee។

Trainee reveal stage បានធ្វើឲ្យកក្រើកផ្សារទំនើបទាំងមូល ព្រោះតែអ្នកគាំទ្រច្រើនសន្ធឹក នាំគ្នាទៅទស្សនាផ្ទាល់នូវការបង្ហាញខ្លួនលើកដំបូងរបស់បេក្ខភាពទាំង ១២ ដែលមានទាំងសមត្ថភាពច្រៀងរាំ ចំណេះដឹងភាសាជាតិ និងភាសាអង់គ្លេស កាន់តែពិសេសម្នាក់ៗសុទ្ធតែសង្ហា ហើយស្ទីល៍រៀបចំខ្លួនពិតជាស័ក្តិសមនឹងអ្នកគាំទ្រជាយុវវ័យ។

មិនត្រឹមទទួលបានការគាំទ្រខ្លាំងពីសំណាក់មហាជនដែលជាយុវជនយុវតីឡើយ កម្មវិធី The Zero Project កំពុង trending ខ្លាំងផងដែរ នៅលើបណ្ដាញ Xបន្ទាប់ពី ៣ ថ្ងៃក្រោយបញ្ចប់ «CHALLENGE ACCEPTED» របស់អ្នកហ្វឹកហាត់បានបង្ហាញឆាក។ The Zero Project ក្លាយជា៖

TOP 2 : #TheZeroProject
TOP 3 : #ChallengeAccepted
TOP 4 : #Campop

បើនិយាយពីសមត្ថភាពរបស់ Trainee ទាំង ១២ របស់កម្មវិធី The Zero Project ម្នាក់ៗពិតជាធ្វើឲ្យគេមើលឃើញយ៉ាងច្បាស់ថាពួកគេខ្លាំងៗរៀងខ្លួនទាំងការសម្ដែងបែងចែកជាក្រុម, Solo និងទាំង ១២ នាក់។ រហូតធ្វើឲ្យអ្នកខ្លះមិនដាច់ចិត្តសម្រាប់ការចាប់ផ្ដើមប្រកួតវគ្គជម្រុះឡើយ៕