រដ្ឋាភិបាលបញ្ចេញឡានក្រុងជាង ១០០ គ្រឿង ដឹកអ្នកដំណើរទៅសៀមរាប ក្នុងពេលចូលឆ្នាំខ្មែរ ឥតគិតថ្លៃ

ក្នុងឱកាសនៃពិធីបុណ្យចូលឆ្នាំខ្មែរ រដ្ឋបាលខេត្តសៀមរាប បានជូនដំណឹងអំពីការធ្វើដំណើរដោយរថយន្តក្រុង (City Bus) ទៅមកភ្នំពេញ-សៀមរាប ដោយឥតគិតថ្លៃ សម្រាប់សាធារណៈជនទាំងអស់។

តាមរយៈសេចក្ដីជូនដំណឹងរបស់រដ្ឋបាលខេត្តសៀមរាប បានឱ្យដឹងថា ចាប់ពីថ្ងៃទី ១២ ដល់ ១៧ ខែមេសា ឆ្នាំ ២០២៦ រដ្ឋាករស្វយ័តដឹកជញ្ជូនសាធារណៈរថយន្តក្រុង (City Bus) បានបញ្ចេញរថយន្តក្រុង ១១៥ គ្រឿង ដើម្បីសម្រួលក្នុងការធ្វើដំណើររបស់សាធារណជនទាំងអស់ទៅកាន់ខេត្តសៀមរាប ក្នុងអំឡុងពិធីបុណ្យចូលឆ្នាំខ្មែរនាពេលខាងមុខ ក៏ដូចជាការធ្វើដំណើរវិលត្រឡប់មកកាន់ភ្នំពេញវិញ។

សម្រាប់ការចេញដំណើរពីភ្នំពេញ ទៅកាន់ខេត្តសៀមរាប ៖ ទីតាំងចំណតដីឡូត៍តំបន់ OCIC ជ្រោយចង្វារ (រង្វង់មូលទេពមច្ឆា) ចាប់ពីម៉ោង ៦៖៣០ នាទីព្រឹក ដល់ ១១៖៣០នាទី។ ចាប់ពីថ្ងៃទី ១២ ដល់ ១៦ ខែ មេសា ឆ្នាំ ២០២៦ មកឈប់នៅចំណតមណ្ឌលរដ្ឋបាលមន្ទីរខេត្តសៀមរាប វិថីសម្ដេចវិបុលបញ្ញា សុខអាន (ផ្លូវ៦០ម៉ែត្រ)
សម្រាប់ការចេញដំណើរពីសៀមរាប មកភ្នំពេញ ចាប់ពីថ្ងៃទី ១៣ ដល់ ១៧ ខែ មេសា ឆ្នាំ ២០២៦ ។ ចេញដំណើររៀលរាល់ម៉ោង ៦៖៣០ នាទីព្រឹក ដល់ ១១៖៣០នាទី។ ឡើងនៅចំណតមណ្ឌលរដ្ឋបាលមន្ទីរខេត្តសៀមរាប វិថីសម្ដេចវិបុលបញ្ញា សុខអាន (ផ្លូវ៦០ម៉ែត្រ) ហើយចុះនៅទីតាំងចំណតដីឡូត៍តំបន់ OCIC ជ្រោយចង្វារ (រង្វង់មូលទេពមច្ឆា)៕

រូបភាព ៖ រដ្ឋបាលខេត្តសៀមរាប

កញ្ញា កែវ សុខអាត | Ms. KEO SOK ART

ជីវប្រវត្តិ: មានបទពិសោធន៍ជាអ្នកបង្កើតមាតិការសង្គម និងជំនួញ ក្នុងស្រុក-ក្រៅស្រុក និងជាអ្នកសរសេររឿងប្រលោមលោក។ បច្ចុប្បន្នជាអ្នកបង្កើតមាតិការកំសាន្ត ប្លែកៗ នៃ AMS Infotainment។