ញូវដែលី ៖ ប្រទេសឥណ្ឌាបានចំណាយលុយដល់ទៅ ១.១ពាន់លានដុល្លារ បញ្ជាទិញមីស៊ីលចំនួន ២៨៨គ្រាប់ សម្រាប់ប្រព័ន្ធការពារដែនអាកាស S-400 ដែលទីក្រុងញូវដែលីបានទិញពីទីក្រុងមូស្គូ ។
បើតាមកាសែត Hindustan Times ចេញផ្សាយថ្ងៃសុក្រ, ក្នុងចំណោមមីស៊ីលទាំង ២៨៨គ្រាប់ ដែលឥណ្ឌាបញ្ជាទិញពីរុស្ស៊ីនេះ ក្នុងនោះរួមមានមីស៊ីលរយៈចម្ងាយជិតចំនួន ១២០គ្រាប់ និងមីស៊ីលរយៈចម្ងាយឆ្ងាយចំនួន ១៦៨គ្រាប់ ហើយការបញ្ជាទិញនេះ នឹងចាប់ផ្តើមដំណើរការយ៉ាងឆាប់រហ័សបំផុត ។
ការបញ្ជាទិញមីស៊ីលនេះដែរ គឺជាផ្នែកនៃកិច្ចព្រមព្រៀងមួយ ដែលត្រូវបានអនុម័ត សម្រាប់កញ្ចប់បញ្ជាទិញគ្រឿងសព្វាវុធការពារជាតិ ដែលមានតម្លៃប្រហែល ៣៩,៧ពាន់លានដុល្លារ ។
ប្រព័ន្ធការពារដែនអាកាស S-400 បានចូលបម្រើវិស័យការពារជាតិរុស្ស៊ីនៅក្នុងឆ្នាំ ២០០៧ ហើយវាជាប្រព័ន្ធការពារមីស៊ីលដែលទំនើបបំផុតមួយ ។ S-400 អាចបាញ់បានក្នុងរយៈចម្ងាយ ៤០០គីឡូម៉ែត្រ និងមានល្បឿនរហូតដល់ ៤,៨គីឡូម៉ែត្រក្នុងមួយវិនាទី ហើយវាអាចបាញ់កម្ទេចរាល់វត្ថុដែលហោះហើរ ទាំងយន្តហោះចម្បាំង និងមីស៊ីល ។
បច្ចុប្បន្ន ប្រទេសឥណ្ឌាមានប្រព័ន្ធការពារដែនអាកាស S-400 ចំនួន ៤គ្រឿង ហើយគ្រោងនឹងបញ្ជាទិញបន្ថែមទៀតនៅឆ្នាំ ២០២៦នេះ ។ បើតាមរបាយការណ៍របស់ប្រព័ន្ធផ្សព្វផ្សាយ, ឥណ្ឌា មានគម្រោងអភិវឌ្ឍប្រព័ន្ធការពារដែនអាកាស S-500 រួមគ្នាជាមួយឥណ្ឌា ៕
ប្រភព ៖ RT ប្រែសម្រួល ៖ ឈឹម ទីណា
