វ៉ាស៊ីនតោន ៖ សហរដ្ឋអាមេរិក និងអ៊ីស្រាអែល ចាប់ផ្តើមបើកការវាយប្រហារទ្រង់ទ្រាយធំប្រឆាំងនឹងអ៊ីរ៉ង់ហើយ នៅព្រឹកថ្ងៃទី២៨ ខែកុម្ភៈ នេះបើតាមការបញ្ជាក់របស់រដ្ឋមន្ត្រីការពារជាតិអ៊ីស្រាអែល លោក Israel Katz និងមន្រ្តីអាមេរិកចំនួន ២រូប ។

យោងតាម CNN ចេញផ្សាយថ្ងៃសៅរ៍នេះ, អ៊ីស្រាអែលបានប្រកាសដាក់ប្រទេសក្នុងស្ថានភាពអាសន្ន ខណៈពេលដែលកងទ័ពខ្លួន និងអាមេរិក ចាប់ផ្តើមវាយប្រហារសាជាថ្មីប្រឆាំងនឹងប្រទេសអ៊ីរ៉ង់ ហើយរំពឹងថា នឹងមានការសងសឹកវិញឆាប់ៗនេះពីកងកម្លាំងទីក្រុងតេហេរ៉ង់ ។

ការវាយប្រហារនេះកើតឡើងបន្ទាប់ពីលោកប្រធានាធិបតីអាមេរិក ដូណាល់ ត្រាំ បានប្រើវោហាសាស្រ្តសម្លុតគំរាមជាច្រើនសប្តាហ៍ ជុំវិញលទ្ធភាពវាយប្រហារអ៊ីរ៉ង់សាជាថ្មីទៀត បើសិនប្រទេសទាំងពីរមិនអាចឈានដល់កិច្ចព្រមព្រៀងកម្មវិធីនុយក្លេអ៊ែររបស់អ៊ីរ៉ង់ ។

ភ្លាមៗ មិនទាន់មានសេចក្តីរាយការណ៍អំពីទំហំខូចខាត ឬមនុស្សស្លាប់ និងរងរបួសនៅឡើយទេ ៕

ប្រភព ៖ CNN ប្រែសម្រួល ៖ ឈឹម ទីណា