អ្នកប្រដាល់គុនខ្មែរ យីប ឌុក រំឭកថា បានចាបផ្ដើមចំណងស្នេហាជាមួយនឹងកីឡាការិនីរត់ប្រណាំងឆ្នើម កាន់ ស្រីរ័ត្ន កាលពី៥ទៅ៦ ឆ្នាំមុន ដោយផ្ដើមពីការចាប់អារម្មណ៍អំឡុងការហ្វឹកហាត់នៅស្តាតអូឡាំពិកដូចគ្នា។

ដោយសារតែចំណាប់អារម្មណ៍ និងនិស្ស័យដូចត្រូវបានពីបុព្វេ អ្នកទាំងពីរក៏បានជួបគ្នាក្នុងកម្មវិធីផ្សេងៗ រហូតបង្កើតទំនាក់ ឈានទៅបង្កើតទំនាក់ទំនងស្នេហា ហើយឈានដល់ការភ្ជាប់ពាក្យ និងមង្គលការតែម្ដង។

យីប ឌុក និង កាន់ ស្រីរ័ត្ន នឹងចូលរោងជ័យថ្ងៃសុក្រ ទី១៣ និងថ្ងៃសៅរ៍ ទី១៤ ខែកុម្ភៈ ឆ្នាំ ២០២៦ ចុងសប្ដាហ៍នេះហើយនៅស្រុកកំពង់ត្រាច ខេត្តកំពត៕