កីឡាករ ហេង វុទ្ធី ម្ចាស់មេដាយមាសកីឡាចំបាប់ស៊ីហ្គេម ២០២៣ ថ្លែងថា ការឈានជើងចូលមកប្រកួតកីឡាជឺជីតស៊ូជើងឯកថ្នាក់ជាតិ នាពេលថ្មីៗនេះ ដើម្បីបន្ថែមបទពិសោធថ្មី ព្រោះចង់បើកសាលាក្បាច់គុនជឺជីតស៊ូនៅឯស្រុកកំណើតក្នុងខេត្តពោធិ៍សាត់។

កីឡាករចំបាប់ឆ្នើមជម្រើសជាតិកម្ពុជាប្រាប់ថា កំពុងដំណើរការរៀបចំក្លិបកីឡាចំបាប់នៅស្រុកកំណើតឯខេត្តពោធិ៍សាត់ ហើយអាចនឹងមានកីឡាជឺជីតស៊ូផងដែរ។

ហេង វុទ្ធី ទទួលបានមេដាយប្រាក់ក្នុងការប្រកួតកីឡាជឺជីតស៊ូជើងឯកថ្នាក់ជាតិកន្លងទៅនេះ៕